رأيك بالحب

السلام عليكم

كل واحد يعطينا رأيه بالحب وامكانية استمراره

وانا رح بلش

__________________________________________

انا من جهتي بآمن بالحب ( عم قول بالحب مو الحب من اول نظرة )

الحب برأيي شي عظيم كتير

والحب انواع :

في عنا حبي الإنسان لأمه لأهله لعيلته

وفي عنا حب الانسان لشخص غريب

ونحنا موضوعنا اليوم بيحكي عن هاد النوع

الحب بأيي احساس ومشاعر وتضحية

مو بس انو بحبها وبتحبني - لاء

الانسان لما يحب لازم يكون كل همه هو حبيبته

يعني لازم يفكر برضاها لازم ما يزلها

طبعا إذا كان بحبها عن جد

هاد الشي بالنسبة الي طبها ...

فالحب وقت يكون صادق ومن الطرفين

انا بعتقد انو العلاقة لازم تكون علاقة خالدة

وما لازم تتوقف ابدا ...

طبعا الانسان وقت بيحب لازم يختار الشخص المناسب ( إللا إذا كان بدو يتسلى - وانا ما بأيد هالفكرة )

لأنو الحب مو تسلاية والناس مو لعبة بين ايدينا

هاد رأيي ..

مثلا انا وقت التقي ببنت فورا بيخطر لبالي انو ممكن حبها وبلش بقا

هي هيّ اميرة احلامي

هي يلي بدها تعيشني احلا عيشة

برد بشوف وحدة تانية ( نفس الشي بيخطر ببالي )

وتالتة ورابعة وخامسة

بالنهاية الانسان بيحس انو وحدة بس من هالبنات هي يلي حبها

هيّ يلي قلبو دقلها واحساسو تحرك تجاهها

وقت يشوفها بيفرح

وقت يفارقها ما رح قول بيزعل - بس بحس ناقصو شي

وما بيصدق ايمتا بيشوفها مرة تانية

هيك بيتأكد انو حبها

مو شرط تكون هي حبته كمان

ممكن ما تكون حست شي تجاهو

بس بالنهاية هو حبها

فما لازم يستسلم ابدا

لازم يضل يناضل لحتا هي كمان تحبو .. مو شرط يقلها ممكن بدون ما يخبرها انو هو بحبها ....

المهم انا اخدني الحديث ..

انا هاد رأيي

وبالنهاية كل شخص الو رأي والو عقل

ويا ريت الكل يحكو يلي بقلبهن